一個「真心驚」一個「玉蝴蝶」，大纜都扯唔埋，但其實講緊同一樣嘢！講緊嘅咪就係天后容祖兒同男友劉浩龍（師兄）囉！一向感情低調嘅佢哋，分別喺Instagram（ig）上載玩「變色龍」嘅相，一個氣定神閒，一個驚慌失措，雖然兩人張相都見唔到對方蹤影，但心水清嘅大家都知佢哋喺埋一齊，網民都笑言「同阿真心驚好襯囉」！而「愛龍」嘅祖兒，手臂上放咗「變色龍」即時成個人硬晒軚，仲咬自己隻手，望都唔敢望，非常搞笑！相反師兄就驚都未驚過，仲叫隻「變色龍」做「玉蝴蝶」，有個咁Man嘅男友，祖兒幾驚都唔怕啦！喺今日下午，佢哋嘅朋友再喺ig上載大合照，相中嘅師兄做「背後的男人」，同祖兒嚟個零距離心口貼背脊，真係隔住個Mon都覺得Sweet呀！